吃飯的時候，爸爸或媽媽多數都會叫翊翊帶領謝飯祈禱．如果他心情好，他就會諗出老師教的謝飯禱文，若然他心情不好或沒有興趣的話，他就會不肯祈禱．
媽：你點解唔謝飯祈禱啫？
翊：我都未信耶穌．（那代表他將不會作謝飯祈禱，而且樣子顯得佷”招積”．）

（事緣背景：當媽媽生完翹翹之後，嫲嫲就來陪月照顧．嫲嫲會和我們一起吃飯，但她並沒有謝飯祈禱，翊翊就好奇地問為何嫲嫲
　　　　　　不跟他一樣祈禱呢？媽媽就向他解釋因為嫲嫲未信耶穌，所以就不會祈禱．他把這些記在心裡，然後在他認為合用的
　　　　　　場合應用出來．）

昨天返完教會，吃過午飯，坐巴士途中，事情起了１８０度的轉變．翊翊的手指住巴士上的玻璃窗，然後問媽媽．．．．．．
翊：我可唔可以整跌ｄ窗？
媽：緊係唔可以啦！如果你整跌咗，你就會跌出去，然後你就會俾車撞，仲會車到你扁一扁，你隻手以後都唔可以拖到媽媽架啦！
翊：咁我會去邊呀？
媽：去邊？你咪落地獄囉！你話你未信耶穌嘛！

這時候，翊翊的面上立即顯出”拗底”的樣子，好似有少許擔心咁．不過在電光火石之間，佢立即改口風．．．．．．
翊：我信咗好耐架啦！
爸：係咩？幾時呀？
翊：好耐之前囉！
爸：你點樣信呀？
翊：信咗好耐啦！
爸爸連翻追問佢點樣信，翊翊都係答”好耐之前囉”，well其實佢唔明我們問咩．
媽：爸爸唔係問你幾時信，而係問你點樣信呀！
翊：唔知喎！
（然後他的心情已變得輕鬆，面上再現笑容）

到了晚上，爸爸幫翊翊沖涼，爸爸再問翊翊．．．．．．
爸：你係咪信耶穌架？
翊：我信左啦！
爸：咁你祈咗禱，講咗俾耶穌知未呀？
翊：未喎！
爸：咁你跟我祈禱啦！（然後爸爸逐句教翊翊）
翊：主耶穌，我有’拽拽”，求你原諒，做我的救主．．．．．．
爸：你依家信咗耶穌啦！等陣沖完涼出去話俾媽咪知你信咗耶穌啦！

沖完涼，翊翊好開心的跑去媽媽那兒講．．．．．．
翊：我信咗耶穌啦！
他想將在廁所的情況向媽媽複述，但是．．．．．．
翊：我有’拽拽”，咩話（望向爸爸想攞指示，好複雜，佢唔識再講了）

現今Ｄ細路真係估佢唔到，到現在，我們都係信住佢先啦！唔知幾時又會轉馱．

晚上媽媽或爸爸會"陪訓"，床上的對話有時會反映這小朋友有趣的想法：
翊：我今日好開心！
媽：點解呀？
翊：因為我今日冇死到．

好驚! 點解這個會"郁"的? (第一次坐入了錢的...)
 

why is this moving???

幼稚園的花燈比賽...

當然,... 都是拜媽媽的功勞...

再來一次：誰是兄? 誰是弟?


一連串的可愛造型:

謝謝你們的禮物和關心。
願耶和華賜福給你，保護你。願耶和華使他的臉光照你，賜恩給你。願耶和華向你仰臉，賜你平安。（民六24-26)

照顧細佬
  
DSCN0726

驚爸爸出門口去(其實只是棄掉垃圾)... 很長的解釋...
   

explaining himself

剛過去的差傳主日, 講員國良哥提到二次大戰中救了不少猶太人的舒特拉(Schindler), 令我想起多年前與團友一起看的舒特拉名單(也許你也看過). 有異象的人生正是推動我們的屬靈生命.
臨完的這一幕至今仍深印我的腦海, 也成了後來印證我蒙召的一環:
[劇情講到戰事完結, 集中營猶太人為多謝舒特拉而用自己的金牙打一隻戒指給他, 但舒特拉還遺憾沒有救更多的人...]
Itzhak Stern: It's Hebrew, it's from the Talmud. It says, "Whoever saves one life, saves the world entire."
Oskar Schindler: I could have got more out. I could have got more. I don't know. If I'd just... I could have got more.
Itzhak Stern: Oskar, there are eleven hundred people who are alive because of you. Look at them.
Oskar Schindler: If I'd made more money... I threw away so much money. You have no idea. If I'd just...
Itzhak Stern: There will be generations because of what you did.
Oskar Schindler: I didn't do enough!
Itzhak Stern: You did so much.
  [Schindler looks at his car]
Oskar Schindler: This car. Goeth would have bought this car. Why did I keep the car? Ten people right there. Ten people. Ten more people.
  [removing Nazi pin from lapel]
Oskar Schindler: This pin. Two people. This is gold. Two more people. He would have given me two for it, at least one. One more person. A person, Stern. For this.
  [sobbing]
Oskar Schindler: I could have gotten one more person... and I didn't! And I... I didn't!
(source)
         
further info; wiki

Schindlers_List.pdf

•   could you glimpse from it another list in the book of life (Rev. 20.12)?
  

翊: 媽媽, 我好鍾意妳呀! 妳著紫色裙呢, 我鍾意妳. 妳唔著紫色裙呢, 我都鍾意妳.
媽: 係呀, 你咁好ge...
翊: 係呀, 我好有耐性家嘛!
...

媽: Cophiel有啫啫, 係男仔定係女仔黎嫁?
翊: 係男仔.
媽: 翊翊同爸爸都有啫啫, 係咪呢?
翊: 係. 
媽: 咁, Cophiel, 翊翊同爸爸三個都係咩黎ge呢?
翊: 三個都係啫啫.

誰是兄？誰是弟？

Click入去便知你答對與否！

翊翹相簿：
 

Cophiel

各位友好,

麗琪於今早3時18分, 產下我們的第二個兒子, 重6磅15安士. 現母子平安.
兒子取名譚翊翹(音: 翼橋. 翊: 「翊，飛貌。」; 翹: 鳥類尾部的長羽毛, 可解作抬頭或特出之意) 
Luke 21:28 Now when these things begin to take place, straighten up (翀) and raise your heads (翹), because your redemption is drawing near." (ESV)

由於親人眾多及希望餵哺母乳關係,... 對不起... 出院後才方便探訪.
翹翹跟翊翊相貌相近, 有很多頭髮. 稍後有照片再跟你們分享.

"我的心哪! 你要稱頌主, 不可忘記祂一切恩惠。"(詩一零三2, 也取自詩歌 -敬204)

志超, 麗琪, 翊翀, 翊翹

無意中看到這段片... 頗有趣...
除了想起身邊有"鼻寒"的朋友外, 也想到一些間中便發生爭端的夫婦.
"Beautifully Imperfect" -我想也是我和麗琪的體會吧!
 

七月某天我教會的一位親愛的姊妹瑞芳姨姨過生了。教會裏眾弟兄姊妹都很不捨得她。志超都有將這件事講給翊翊知道，讓他知道瑞芳姨姨去咗邊度。安息禮拜當天，媽媽帶完翊翊學畫畫後，就同他參加安息禮拜．．．

媽：翊翊，我地依家坐的士，去瑞芳姨姨的安息禮拜。
（然後就等的士，等的途中．．．）
翊：咁，依家我地係咪去天堂呀？
媽：唔係！淨係瑞芳姨姨去天堂，我地只係去紅磡啫！

（打手後記）
安息禮拜前，翊翊明白大家不開心，所以不可大叫，都很安靜。銀幕上放出瑞芳少女時的相片，翊翊卻認出是瑞芳姨姨。瑞芳的見證很感人。五十二歲的她，跟癌症搏鬥６年多，其間到處向人講見證，鼓勵人信主。
她寫給青儷團友的信實在令人感動："在這段養病期間，有不少肢體、親友都鼓勵我將我在這期間對神的領受、體會、經歷、感恩和讚美…等，嘗試編錄成書冊、影碟，以致為主作見証，或許可以成為別人的祝福和幫助。但我感到自己實在不配，我不令主蒙羞，己心滿意足。 在我離世歸主的時候，或許你們會談論到我的離開好像早了一點…等，但我卻希望你們多談主耶穌基督，數說主的愛主的恩，祂如何犧牲自己救贖世上每一個人，這些事更值得你們去談論。我真是不值一提，因我己經定意無論是生是死，總叫基督在我身上照常顯大。"　
安息禮拜中，唱到詩歌"我不孤單"，想起昔日她常在擘餅聚會中分享這歌。加上"昔日擘餅司琴"德智彈起這歌時，有如返回以前擘餅的場景．．．我跟身邊的弟兄一同回味這段回憶時，大家都眼紅紅了．．．。是的，很快我們要再見，在主耶穌基督再臨的日子，我們都要與眾聖徒一起（志合，朝生，惠嫦，秋勻，湯太，何好，．．．），如此歡聚。
耶穌說："我是好牧人；我認識我的羊，我的羊也認識我，...我又賜給他們永生；他們永不滅亡，誰也不能從我手裡把他們奪去。"

食飯一事係媽媽和翊翊的大戰場和磨擦點，好多時候都係嗌交，痛打和大哭收場〔打手註：當然只是其中一方〕。經過同朋友分享和看見其他姊妹耐心地對待他們的兒女的好榜樣，我實在要多給耐性和多給讚賞。結果某天的午餐時段，翊翊吃飯的表現幾好，我就讚佢．．．
媽：你好乖呀！你食得好好喎！
翊：媽媽，你唔駛讚我架啦！
媽：哈！哈！哈！（唔通我讚得過盛？）
翊：你唔駛擔心我架啦！我以後食飯會專心架啦！

媽媽的內心都很得安慰，但佢講呢番話既時候－仍在座椅上企高企低，佢真係”講就天下無敵，做就無能為力”．．．　

某天中午，媽媽很快地吃完午餐，翊翊就自己一個人食。媽媽就把洗好既衣服推出黎，準備把衣服晾在晾衫架上。翊翊的視線望住媽媽從廚房出來，便用溫柔和關心的語氣說．．．
翊：媽媽，你小心呀！
媽媽內心真的很開心，好冧，好甜，估唔到個仔識得關心人，真係乖！

時間不夠半分鐘，他續說．．．
翊：你小心踩到我ｄ車車喎！（因他喜歡把所有的玩具車一字排開，在晾衫架前面，橫列在客廳中。）
媽：（個心即刻down哂）吓！你原來淨係掛住ｄ車車咋！
翊：唔係－你踩親ｄ車車會跌親嘛！

（媽媽心諗，唉！無論你點講點補飛，媽媽的心已經受傷了！！！）

翊翊是個硬頸的人，做錯事後不是那麼容易肯去，或快去道歉。有天晚上睡覺時，他在床上郁來郁，去不小心整親我條腰，我哎也了一聲，他立即就道歉．．．
翊：媽媽，我真係對唔住你啦！
媽：好啦！我原諒你啦！你真係乖，愈來愈識得知錯道歉。
翊：緊係啦！我係人黎架嘛！
媽：哈哈哈！（我不停地笑，差點動親胎氣。）
翊：你做咩笑啫！唔好笑我啦！
媽：你講野實在太搞笑了。

早上叫翊翊去”殊殊，”但佢間中會唔肯去．．．
媽：去殊殊啦！
翊：我唔去！
媽：點解唔去啫？
翊：尋晚痾咗啦！（簡直係度搵藉口）
媽：你不如話上年痾咗啦！
（實在豈有此理！）

馬拉松食飯篇-歷時2個鐘
某天放學後的午餐時段，媽媽於1:15pm將翊翊的午飯放於枱上，然後叫他吃飯，但突然下起雨來。
翊：媽媽，我想睇落雨！
媽：好呀！不過一陣好啦！
（他真的睇了一兩分鐘便回飯枱吃飯。）
翊：（他一坐下便給媽媽派定心丸。）我會好乖架！我一定會食哂碗飯。我係大人，唔係BB，唔駛人人餵！
（然後，佢就開始唱歌，一連唱了三首有音冇詞的歌才停。）
翊：呀！唱咩歌好呢？！
（前後已擾攘了半粒鐘，我已經眼火爆．．．突然，他開始慢慢食，但有如蝸牛一樣。我在想，應該鬧佢好，還是比ｄ耐性。但我真的好嬲，似乎要開火發炮了。跟住佢又食了一啖．．．）
翊：唔！媽鎷，妳煮得好好味喎！
翊：（他見我已食完飯，豎起手指公來讚我．．．）妳好叻呀！妳咁快就食，完妳真係乖仔！
（本來要發的炮彈，即刻俾佢淋咗兩盆凍水，唔發得住，保持笑容。）
媽：真係多謝你的讚賞喎！咁你快ｄ食啦！
（已經過了一個小時，佢自己又繼續”嘆”午餐，”筆”起了一啖菜菜在匙羮裏，然後自豪地給我看．．．）
翊：妳睇吓我幾健康！
媽：係呀！又真係好健康喎！
（媽媽的面容上雖然充滿笑容。但內心卻想大力地”鍊”住佢條頸啦！媽媽實在不能再對住佢了，於是走開打電話給爸爸，細聲地同志超講佢ｄ惡行和有關買餸的事。）

翊：係邊個黎架？
媽：係daddy黎架。
翊：你做咩講得咁細聲啫！大聲ｄ啦！
媽：你專心食飯啦！都唔關你事！
翊：總之妳大聲ｄ啦！我都要聽到。
（同志超收線後，看看翊翊碗飯，Well, 仲有幾啖，似乎終點在望。但我都係等得太耐，我就建議佢不如唔好食啦！給翊翊講了幾次"唔好再食了"。）
翊：我都已經同妳講過好多次啦！都話唔可以收咗我碗飯咯。如果妳收咗，我會嬲架！
媽：咁你繼續食啦！
（突然又來一個電話，原來是我妹妹，我同妹妹講一句，翊翊也模仿我講電話。
媽：喂！呀妹，我唔同妳講啦！翊翊還差兩啖就食完，之後再打啤你啦！

（終於食完了．．．）
媽：你睇下個鐘，你由１點３食到３點３！實在太慢啦！
翊：都唔係好慢啫！個鐘都冇郁過！
（我個心實在想爆炸啊！！！）